இதய நூலில்...

தாடிக்குள் ஒளிந்திருக்கும் சோகங்கள் அதிசயம்.!
.

செடிகளுக்கிடையே

சிரித்த ரோஜாவாய் நீ!

நட்சத்திரங்களுக்கிடையே

நகரும் நிலவாய் நீ!

காற்றினூடே வீசும்

தென்றலாய் நீ!

வாசல்களுக்கிடையே

வண்ணத்தோரணமாய் நீ!

மானுடர்களுக்கிடையே

மனித தேவதையாய் நீ !

வித்தியாசமாய் நீ இருந்து

விழிபிதுங்க வைக்கிறாய்.

...............................................................

நிலவுக்கும் ஆசைதான்

நீ

ஓடி வா என கூப்பிட்டவுடன்

ஓடிவர.

பூமிக்குள்ளே

நிலாபோல் வலம் வரும்

நின்

முகத்தைப்பார்க்க.

கொஞ்சம் பயம்-

பிரபஞ்சங்கள் பாதிக்கப்படுமோ என்று.

.........................................................................................................

என்

சிந்தனைகளையெல்லாம்

சிறைப்பிடித்தன உன்

சின்ன சிரிப்பு.

.........................................................

வேர்கள் இருக்கும் வரை

விழுதுகளுக்கு பயமில்லை.

விதையாய்

வேராய் நீ இருக்க

என்னில்

காதல்

மரமாய் மலர்கின்றது

விழுதாய் விரிகின்றது.

.............................................................................

என் இதய நூலில்

எழுதி வைத்த

உன் பெயரை

எவர் கேட்டபொழுதும்

ஏனோ வெளியே சொல்ல

வெட்கப்படுகிறது

என் மனம்-

உன்னைப்போல.

.......................................................................................