மூளைக்கு வேலை ...

கதையாம் கதையாம் விடுகதையாம்

விடை சொல்லு சுப்பா மக்கா....

கொஞ்ச நேரம் மூளைக்கு வேலை கொடுங்களேன் சகாக்களே...!

.....00000.....

தாய் இனிப்பாள்

மகள் புளிப்பாள்

பேத்தி மணப்பாள்

அவங்க யாரு?

.....00000.....

கறுப்பர்கள் காலம் போனா 

வெள்ளைக்காரன் ஆட்சிக்கு வருவான்

அவன் யார்?

 .....00000.....

ஆற்றில் சுரக்காத நீர்

ஊற்றில் சுரக்காத நீர்

யாரும் விரும்பாத நீர்

அது என்ன?

 .....00000.....

ஓடி பிடிச்சு விளையாடுவாங்க

ஒரு காலும் இல்லாமலே

ஒளிஞ்சுக்கவும் இடமில்லே

விளையாட்டும் முடிஞ்சதில்லே

அது என்ன?

.....00000.....

எல்லாம் தெரிஞ்ச மாதிரி 

எதுவேணா சொல்லுவான் இந்த 

எழுத படிக்க தெரியாத 

வெட்டி வீரப்பையன்.... 

அவன் யார்?

.....00000.....

எங்கும் இருக்கும் புள்ள

ஊரைவிட்டு ஓடிப்புட்டா

புடிச்சு வந்து அடைச்சா தான்

பொழுதுக்கு போய் சேர முடியும் 

அவள் யார்?

.....00000.....

ஒத்துமை இல்லாம

உன்னை பிரிஞ்சேன்

ஒதுக்கு புறமா 

என்னை 

தூக்கி எறிஞ்சான்?

நான் யார்?

 .....00000.....

மூடும் திறக்கும் முத்திருக்கும் பெட்டி

பாடும் படிக்கும் பாம்பிருக்கும் சட்டி.

அது என்ன?

 .....00000.....

வட்ட சட்டி

வாயில்லா குட்டி

கட்ட பெட்டிக்குள்

வாயாடும் சுட்டி

அது என்ன?.

 .....00000.....

வேணாம்னு வெட்டினாலும்

வளர்ந்துக்கொண்டுதான் இருப்பான் 

வெட்க கெட்ட வெறும் பய..

அவன் யார்?

.....00000......