அம்மா பலகை

இணையம் என்னும் போதை........

 

இத்தனை நாளாய் எங்கிருந்தாய்? என கேட்பது கேட்கிறது....

யாருமே கேக்கலைனாலும் நாமா சொல்லி ஒரு பில்டப் கொடுக்க வேண்டியது தான்

ஹ.....ஹா....வணக்கம் உறவுகளே !

ஒரே ஒரு வாரம். விக்கிரமாதித்தனின் தலையை போல் வெடித்துவிடும்போல் இருந்தது. என்ன செய்வது வேறு வழியில்லை என்றான பின்னர் கம்முனு சும்மா கிடக்கவேண்டியாதாகிப்போய்விட்டது. ஆம் கம்பியூட்டர் பழுதாகிவிட்டது.

எல்லாம் நன்மைக்கே !

 சில நாட்கள் இணையம் இல்லாமலேயும் சுகமாய் இருந்தது.

ஆனால் இது  இருந்தாலும் பிரச்சனை, இல்லாவிட்டாலும் பிரச்சனை....இணையம் தான்.

இணையம் பயன்படுத்தா நாட்களில் என்னவோ போல் இருந்தது.எதையோ பெரியதாக இழந்துவிட்ட உணர்வு.......அப்படி ஒன்றும் இழப்பில்லை என்பது போக போக புரிகிறது ஆனாலும் ???.....

ஆம் இதுவும் ஒரு போதை என்பதை பிறர் கூறும்போது சிரித்த நாம், நாம் அதனை அனுபவிக்கும்போதுதான் தெரிகிறது.... சும்மாவா சொன்னார்கள் “தலைவலியும் வயிற்றுவலியும் தனக்குவந்தால் தான் தெரியும்” என்று

பழமொழிகள்....... "இண்டல் உள்ளே மெண்டல் வெளியே" புது மொழி....ஆகியவை

 நிச்சய அனுபவ உண்மைகள் என்பதை உணர வைத்த வாரம்.நன்றி......

 

எனது கணினியில் ‘அம்மா பலகை’ பழுது....

தமிழ் நாட்டுல இருந்துகிட்டு ‘மதர்போர்ட்’ பிரச்சனை என்று சொன்னால் நல்லாவா இருக்கும்.... அதான் இதனின் தமிழாக்கம் ‘அம்மா பலகை’................ என்று கூறலாமா? கணினி வல்லுனர்கள்  மற்றும் தமிழரிஞர்கள் மன்னிக்கவும். அம்மா உணவகம்..... அம்மா மருந்தகம்....இப்படி பலவும் ‘அம்மா’ மயமாகிக்கொண்டிருக்கும் தமிழகத்தில் இனி மதர்போர்டை இப்படித்தான் அழைக்க வேண்டும் என்றால் நாங்கள் பொறுப்பல்ல.

இன்னும் எத்தனை நாள் ஆகும் பிரச்சனை தீர என்று தெரியவில்லை அதற்குள் தாக்குப்பிடிக்க முடியாமல் அடுத்தவர் கணினியில் இருந்து....... இது ஒரு திருட்டு பதிவு.

இணைப்பதால்

இதனை இணையம் என்றோம்

இணைந்திருப்போம்

இரு சிறகுகள் விரிப்போம்

இதய வானில்

இனிய உறவுகளால்

இனிதே உலாவுவோம்.!

தோழி1:- “உங்க லவ்வர் பெரிய இன்கம்டேக்ஸ் ஆபிஸரா இருக்கலாம். அதுக்காக பீச்சுல சுண்டல் விக்கிறவனை இன்கம்டேக்ஸ் கட்டணும்னு சொல்லி பிளாக்மெயில் பண்ணி சுண்டல் வாங்கி சாப்பிடுவது கொஞ்சம் கூட நல்லா இல்ல”

தோழி2:- ???

(இமெயில் கண்டுபிடிக்கிறதுக்கு முன்னாடியே பிளாக்மெயில் பண்றத கண்டுபிடிச்சது யாருங்கோ?)

............................................................................................................................................................

நீதிபதி:- “இந்த வழக்கின் தீர்ப்பின் மீதி நாளைக்கு வழங்கப்படும்”

“என்னங்க நீதிபதி இப்படி செஞ்சுட்டார்”

“என்ன ஆச்சு?”

“அட நீதிபதி...... நீதி பாதி யை நாளைக்கு சொல்ரேன்னு இப்படி ஒத்தி வச்சுட்டாரே!”

(வழக்கறிஞரின் வாய் தா எனக்கேட்டுக்கொள்வதால் அடிக்கடி வழங்கப்படுகிறதோ ‘வாய்தா’)

....................................................................................